الجمعة، ٢٣ نوفمبر ٢٠٠٧

طظ فيكي

طظ فيكي
طظ فيكي
طظ في الدنيا الجميلة
اللي بلمحها في عينيكي
طظ في الايام
وفي الاحلام
وأي كلام جوايا ليكي
طظ في الحاضر وفي الماضي
وفي بكرة اللي مش راضي
يجمعني بيكي
طظ في الجايز وفي الممنوع
طظ في القلب اللي عاش موجوع
لأنه صمم يشتريكي
طظ في الحضن اللي ماسكنتوش
وعقد الفل ع الكاس اللي ماشربتوش
طظ حتي في شوقي ليكي
طظ فيكي وطظ فيا
ايوة طظ فكل حاجة
يوم ماكون عايزك في حضني ومش لاقيكي
طظ فيكي

السبت، ١٧ نوفمبر ٢٠٠٧

مين انتي


مين انتي؟

وليه جيتي تصحيني

وليه كتبتي في جبيني

اعيش تاني مع الاحلام

ما أنا مرتاح

بلم جراح

سابتهالي عيون قبلك

مانيش عارف

لا انا رافضك

ولا قابلك

تاني؟

بعد ما خلصت من المي

ويا حبر الحب خلاص

خلصت من قلمي

كنت زمان

ب أعلي حيطان من المي

واديني

بهد حيطان اليأس عشان ابني

حيطان عمري

بمستقبل يكون خالي

وانا صابر علي حالي

ليه النهاردة جيالي

وفعنيكي شئ مكتوب

ونظرة تنحينيلها قلوب

لكن قلبي

اهو مرتاح جوة احضاني

ماهوش عايز يدوق الحزن من تاني

مع احلام

مع اوهام

في قلب الحب من تاني

مش قادر ارفض النظرة

ولا قادر

اشوف كاس الغرام مليان

ولا اشربشي

ولا قادر

اكون طول السنين عطشان

ولا اندمشي

ياما شربت من كاسك ياحب زمان

اول طعمك يا غرام بيكون

هوا وحنان

واخرك يا غرام مجنون

دموع احزان

يارب

مانيش عارف

انا خايف

صعب الكلام

نار السكات

عنيكي ليه تخيرني

بين الحيا

وبين الممات

مين انتي

الثلاثاء، ١٣ نوفمبر ٢٠٠٧

اهداء من القلب



الي كل الاهلاوية اللي زعلوا من الهزيمة


الي كل التوانسة والزملكاوية والاسمعلاوية اللي فرحوا بالانتصار


الي كل مطربة بتفكر هتتعري ازاي في الكليب القادم


الي كل ممثل مهتم بالفيلم القادم ليه وايراداته


الي كل الحكام العرب المهتمين بالحكم والكرسي


الي ....... اللي بيفكر في التوريث


الي كل حكومي ومعارض


اهدي اليكم جميعا هذه الصورة المعبرة

الخميس، ٨ نوفمبر ٢٠٠٧

بحبها بحبها



بحبها

بحبها

رغم القساوة اللي بتسكن قلبها

رغم السنين

رغم الحنين

رغم الانين

اللي بحسه فحضنها

بحبها

رغم اني عارف انها

مش حاسة اني بحبها

وبتحب دمعي كأنها

مش عايزة اني احبها

بحبها

الثلاثاء، ٦ نوفمبر ٢٠٠٧