انا ماشيومش نادم
علي عمري اللي
عشته زمان
انا نادم
علي حبك
نادم ع الغربة
في الأوطان
انا ماشي ومش راجع
انا عاشق لكن ضايع
دموعي خدتني بالأحضان
رميت نفسي في ضلة نار
في ليلة حر
زرعت الصبر في الصبار
جنيت المر
دعيت ربي
يموت قلبي
وعمري يمر
لاقيت نفسي
واخد نفسي
في حزني بجر
انا ماشي
بجر حطام من الأحلام
بواقي قلب بيعاني
واخد قلبي
واخد ناري
ونار الصبر كوياني
انا ماشي ومش راجع
وهارجع ليه؟
وايه في حكايتي يستاهل
راح ابكي عليه
حطام قلبي سيبهالك
ومش نادم علي عمري
اللي عشته زمان
انا نادم علي حبك
نادم ع الغربة في الأوطان
انا ماشي
هناك ٩ تعليقات:
ياااااااااااااااااااه
والله وجعت قلبي
كلمات حلوه ومعبره، خصوصا ضلة نار
=============
بس أنا عايزه أسألك هو فيه راجع بينوجع قلبه كده؟؟؟؟؟؟؟؟؟؟
maksofa
الف حمد لله علي سلامتك
ثانيا انا سعيد جدا ان الكلمات دي عجبتك لأن الشهادة دي لما تكون من مكسوفة دة يبقي شئ رائع جدا
ثالثا انا مش فاهم السؤال كويس لأني طول القصيدة بقول انا ماشي وماقولتش انا راجع خالص
قصدي راجل بيتوجع قلبه كده
العتب علي النظر
هو يا أختي حد بيتوجع قلبة قد الرجالة
وبعدين اكيد القصيدة موضحة كل شئ
تحياتي
فعلا حلوة اوى الكلمات دى
بس مش عارفة مااعتقدش حد بيحب حد كدا
حتى لو واحد بيحب واحدة اوى وانجرح منها مبيبقاش حزين اوى كدا يعنى
جنيت المر
دعيت ربي
يموت قلبي
وعمري يمر
لاقيت نفسي
واخد نفسي
في حزني بجر
ممكن اعرف بقى اية كل الجمال دة عبرت عن موقف واحساس ومكان وحالة بتقابل الناس في الكلمات البسيطة دية
وكأن مرتدي ثوب السهل الممتنع
طيب يا سيدي بجد جميلة
انا كنت جاي وناوي اتخانق معاك واقعد اقلك اية فين الجديد ومش باين لية والكلام دة كلة اللي انت عارفة فلقيت كلمات رقيقة مثلك فقلت اسكت بقى :)
المهم انت اخبارك اية يا رب تكون بخير
بوست جميل
تحياتي ومودتى
nonna
بصي انا عاوز اقولك علي حاجة مهمة جداوهي ان فيه ناس بتحب كدة واكتر من كدة وفيه ناس بتحزن كدة واكتر من كدة لأن الحزن يكون علي قدر الحب
حبيبي صاحب المكسرات
الف الف الف شكر علي رأيك الجميل وكل الحكاية انها لحظة احساس خرجت كل الكلام دة اما من ناحية التأخير فأنا اسف بس كل الحكاية اني كنت في اسوان يعني شوية راحة كدة من الشغل
وحشتني جدا ونورتني بالمشاركة
نادم على حبك وكمان نادم عالرغبة فى الاوطان وفى نفس الوقت عايز تمشى ومش ترجع بتعمل عكس اللى جوالط طيب ليه بس ؟؟؟ الكلام حلو اوى بجد .... تحياتى
إرسال تعليق